Charlotte Chin Christian Church - A Danglam Hlei Ce Ee Lyrics

Lungawinak le ruahsannak
Hna ngamnak le diriamnak
Bawipa'i ruangah co tu ka si
A sunglawi ee Bawipa'i thatnak

Ka felnak le ka ṭhatnak cu
Bawipa'i hmaiah saan a tlai lo
A zangfahnak le a lainatnak cun
In runsuak ih, nunnak in pe

Bawipa'i duhdawtnak
A danglam hlei ce ee
Kei misual hi in duhdawt hi
Mangbangza Pathian
Thangthat tlak na si
A kumkhua in, nangmah lawng
Ka lo thangṭhat ding

Leitlun mi'n an thei lo mi
Nun famkim co tu ka si
Hi leitlun ih harsatnak in
Neh thei lo mi Pathian fa ka si

Ka damsan le ka nunsan
Cu Jesuh hrang lawng asi
Ka fimthiamnak, ka nei mi ziangkim
Bawipa nangmai hrang lawng siseh

Bawipa'i duhdawtnak
A danglam hlei ce ee
Kei misual hi in duhdawt hi
Mangbangza Pathian
Thangthat tlak na si
A kumkhua in, nangmah lawng
Ka lo thangṭhat ding

Bawipa'i duhdawtnak a danglam hlei ce ee
Kei misual hi in duhdawt hi
Mangbangza Pathian, thangṭhat tlak na si
A kumkhua in nangmah lawng ka lo thangṭhat ding

Bawipa lawng kumkhua'n thangṭhat tlak asi
A danglam hlei ce ee Bawipa'i Duhdawtnak