All Mydle Erthe It Shall Fulfyll Video (MV)

This voyce both sharp and also (damage)
Shall be herd from heuen to (damage)
All mydle erthe it shall fulfyll
Uenite ad iudicium.
A voyce. etc.

Uenite is a blyssed song
For them that for ioye dooth longe
And shall forsake paynes strong
Uenite ad iudicium
A voyce. etc.

Glad in hert may they be
Whan Chryst sayeth Uenite
Ye blyssed chyldren come to me
Into vitam eternam
A voyce. etc.

Whan I hongred ne gaue me meat
Ye clothed me agaynst the weat
In trouble ye dyde me not forgeat
Uenite ad iudicium
A voyce. etc.

Ye socoured me at your doore
And for my sake gaue to the poore
(The)rfore wyll I you socoore
Uenite ad iudicium.
A voyce. etc.

Sory in hert may they be
That hereth this heuy worde, Jte
Ye cursed chyldren go fro me
In to ignem eternum
A voyce. etc.

Whan for nede that I dyde crye
Confortlesse ye lete me dye
Therfore now I you deny
Uenite ad iudicium
A voyce. etc.

For by me ye set no store
Ye shall abye ryght dere therfore
In hell with deuyls for euermore
Uenite ad iudicium
A voyce. etc.