Dada Bhagwan - Aaj Swarupe Shobhtu Aabh Re Lyrics

આજ સ્વરૂપે શોભતું
આજ સ્વરૂપે શોભતું આભ રે
ખીલી સ્વરૂપ દાદા પૂર્ણિમા
એનો ઝળહળ પ્રજ્ઞ પ્રકાશ રે
હૈયે ભાવજો સ્વરૂપ પૂર્ણિમા
એની શીતળતાનો પ્રભાવ જો
મહીં ટાઢું ને ટપ ગુરુ પૂર્ણિમા
બીજ અમ્મારી યે લાગે પૂનમ રે
નિજાનંદી લહેર દાદા પૂર્ણિમા
ભાવ ઉદધિ ઉછળે ઉરમાં રે
સ્વરૂપી જુવાળ દાદા પૂર્ણિમા
જુદા પુરુષ અને પ્રકૃતિ જણાય રે
નિશ્ચય ને વ્યવહાર ગુરુ પૂર્ણિમા
જોઈ જાણ્યે પ્રકૃતિ વિલાય રે
સહજતા એ મોક્ષ દાદા પૂર્ણિમા
ચાર કષાયોના વાદળ વિખરાય રે
ખીલે શુદ્ધ સ્વરૂપ જ્ઞાન પૂર્ણિમા
રહે દર્શનમાં કંઈક છે કંઈક છે
આ છે ડિસાઈડડ દાદા પૂર્ણિમા
જ્ઞેય જ્ઞાતાના ભેદ સમજાય રે
સ્વ સત્તાની જાણ ગુરુ પૂર્ણિમા.
જ્ઞાન મળતાં થયાં વીતદ્વેષ રે
થઈ જાશું વીતરાગ દાદા પૂર્ણિમા
શુદ્ધાત્મા તો છે શબ્દાવલંબન
થયે નિરાવલંબન જ્ઞાન પૂર્ણિમા
હું બાવો અને મંગળદાસ રે
ત્રેખડ કરો તોડ દાદા પૂર્ણિમા
આજ સ્વરૂપે શોભતું આભ રે
ખીલી સ્વરૂપ દાદા પૂર્ણિમા