El Joker - Baladna Lyrics

مزيد م الإنقسام ، بين الشعب والإخوان
رفض كامل للأعلان ، مليونيه في الميدان
مؤيدين فلان ، ضد مؤيدين فلان
سقوط اتنين شهداء ، أهلا بيك فمصر الآن

أهلا فاللي أحتلها ، حكومات تستغلها
تزرع فساد و عقولنا تروي جدورو من جهلها
علمونا نهتفلها ، وأحنا لسه بالمريله
نموت نموت وتحيا مصر أدينا متنا مين عاشلها

حكومه بتزلها ، فاشله فاستخدام دخلها
سايقه عجله التقدم بالروتين اللي يشلها
بلد ولا يوم بانلها ، شئ يبل ريق ابنها
يشيل حكومه تجيب حكومه نسخه م اللي كت قبلها

حكومات مجمل همها ، إن يطول نفس حكمها
فكبح جماح أمل شعبها، كان تمن تحقيق حلمها
كل حكومه فوق برجها ، طول م ناسها بتسمعلها
راح مبارك جه الإخوان يكلمو من مكان م انتهى

بلدنا بتتمزق ما بين طوايف من شعبها
وكل طايفه شايفه الصورة من زاويه فكرها
مفيش حد نزلها ، شاف عقدتها وجاب حلها
ماتش والفر قه الكسبانه اللي الجهور بيهتفلها
(x2)

مسلسلك قديم ، من قبل صداع مرسي وشفيق
نظام ودقه وقت الفوض لاجل هروب المعتقلين
تدخل دقون ثورتنا ، تحمينا من حكومتنا
فالعالم كلو يشوف إن الإخوان ايدهم فايدنا

قدم وعود قول حق الشهدا راح يعود.
والمحاكمه راح تتعاد على مرأى و مسمع الشهود
العب على وتر الدين جهل إلناخبين يزيد أصواتك
شيوخ تقنع ملايين انك خليفتهم من قنواتك

فخوف الناس م الأسوأ إدي السيئ تقدير جيد.
أثر الصدمه كان متوقع ايه تأثر الضرب فميت
رفعنا للسما ايدنا ، آخر أمل باقيلنا.
يا رب تخيب ظنونا تكون وليت الأصلح بينا

لكن الظن صدق ، والوهم الوردى اتسرق
بلدنا زي م هي والنظام زي اللي سيق.
كرهت بلد محلمتش فيها يوم حلم و مضعش
كل أما امشي سطر قوة ترسم أخرو نقطه ضعف

بلدنا بتتمزق ما بين طوايف من شعبها
وكل طايفه شايفه الصورة من زاويه فكرها
مفيش حد نزلها ، شاف عقدتها وجاب حلها
ماتش والفرقه الكسبانه اللي الجهور بيهتفلها
(x2)

بلادي بلادي بلادي
ليكي بالحرية بنادي
بلادي بلادي بلادي
أموت و يشوف شمسك ولادي

الحال م بعد الثورة حاله إحتكار اداري
سؤالي , نصيب الثورة كام مقعد وزاري
مشاركه لا مغالبه لأدي مغالبه في المشاركه
فالمجالس في الوزارات للإخوان مقاعد ثابته

أيه المغدى, م كل رحله وليها مرسي
سنين بتطاردو كرسي متعرفوش عنو الا نبذه
أكتر جماعة جاهزة , شعار حقق المكسب
ميت يوم تحت العدسة , أكدوان وصولكو كارثة

وبعد وصولكو أيه كان دوركو مصر ولا غزة
ولا مزيد من الوعود يخلي صورتكو دايما أحسن
إنى انسى لأ مش هنسى, مشروع النهضة نكسة
توااريخ النشأه فكل حطاب أرقامها ,مش متجانسه

اما الانقسام في الجماهير حزام إمان
ضمن سلامه الحكومه من آثار الاصتطدام
آه على فكره, مشروع النهضه مجرد كربه
برقيه لكل الشعب افرح مبروك عليك استبنك

بلدنا بتتمزق ما بين طوايف من شعبها
وكل طايفه شايفه الصورة من زاويه فكرها
مفيش حد نزلها ، شاف عقدتها وجاب حلها
ماتش والفرقه الكسبانه اللي الجهور بيهتفلها

بلادي بلادي بلادي
ليكي بالحرية بنادي

بلدنا بتتمزق ما بين طوايف من شعبها
وكل طايفه شايفه الصورة من زاويه فكرها
مفيش حد نزلها ، شاف عقدتها وجاب حلها
ماتش والفرقه الكسبانه اللي الجهور بيهتفلها

بلادي بلادي بلادي
ليكي بالحرية بنادي