Hich Raghava Hich Paijane Video (MV)

हीच राघवा हीच पैंजणें
हीच राघवा हीच पैंजणें
हीच लेवूनी माझी वहिनी
विहरत होती भयाण रानीं
भूषविली पदकमले ज्यांनी
भूषविली पदकमले ज्यांनी
रुणुझुणू रुणुझुणू गाउनि गाणे
हीच राघवा हीच पैंजणें

वहिनीला मी माता मानुन
वहिनीला मी माता मानुन
सांज सकाळी करिता वंदन
ज्यांच्यावरती खिळले लोचन
तीच तीच रे ही आभरणे
हीच राघवा हीच पैंजणें

अलंकार वहिनीचे दुसरे
ठाउक ना मज रघुराया रे
ओळखिली पण पदीची नूपुरे
घडली ज्यांची रोज दर्शने
हीच राघवा हीच पैंजणें

ज्या चरणास्तव देह वाहिला देह वाहिला
त्याविण ठाऊक काही न मजला काही न मजला
मुखचंद्र जिचा कधी न पाहिला
मुखचंद्र जिचा कधी न पाहिला
कसे ओळखू अन्य दागिने
हीच राघवा हीच पैंजणें
हीच राघवा हीच पैंजणें