Jucifer Band يوسف فر - Makan Gher Elmakan Lyrics

فاقد الوعي حاولت انك تفوق و تسمع
صوت بيناديك تقرب ليه يبعد فا ترجع
تفضل في نفس المكان و توهم نفسك بالخوف
لو فكرت انك تطلع هتبدأ تفهم و تشوف
اللي حواليك اول ما يلاقيك عايز تغيير هيصدك
بكبت و رفض رايك مجتمع مغيب هيكون ضدك
هيحاولوا ياثروا على عقلك عشان تقتنع و تصدق
انك مغيب و عمرك ما كنت ثابت على مبدأ
مش هتكون سامع غير انا عنك مش مسؤال
دور ازاي ترتاح وسط فقر فكر و عقول
اللي يهمهم تكون شبهم علشان شايفينك غيرهم
و اختلافك هو اللي وصلك بعيد عن افكارهم
مهما تكبر حوالك ناس اصغر عقلهم شاب
هتلاقي اللي لاغي عقله و دافن راسه في التراب
اللي يخليك تقف على رجلك انك تكمل لوحدك
هيجي وقت تفوق و نفسك جنبك اللي هتساعدك
مهما كان الطريق ضلمة و الدنيا معاك بتضيق
في نهاية كل ليل فجر بيبان
اسرح ويا احلامك سيب همومك ركز قدامك
هتلاقي الحياة تفتح بيان
لمكان غير المكان يتوه ويا الزمان
نعيش بكرة ده العمر بيفوت قوام
بيفوت قوام و المبدا دايما عندي ثابت
مها تحاولوا تقنعوا فيا مش هفضل تاني ساكت
جه ناس قالولي اتحرك و انسى كلمة مستحيل
و اسمع افكراهم مبدائهم و دي صفر في الضمير
طب بيع افكارك و المبدأ و خد بديل
خليك ماشي في طريقك ولا تقبل بغير
فا نصيحة مني اياك في مرة تسمعلهم
هيقفوا جنبك اهلك ضلك و اصحاب بتحبهم
فا انا مش زيهم و طريقي دايما كان عكسهم
بيقفوا جنبي في صورة حلوة مبتسم وشهم
و نسيت اقولك هتقابل حد يكون حبيبك
و هيجي يوم ما تكبر هتلاقيه يعاير في شيبك
و تفكر تاني و من الاول و تقول يا ريتني مشيت
فا الاختلاف معاك او مع غيرك ده مش بيفيد
و اللدعه بتبقى سامة و الخير مبقاش فيه حد
انا عادي مفروم في البلد مش مستجد و مهما
مهما كان الطريق ضلمة و الدنيا معاك بتضيق
في نهاية كل ليل فجر بيبان
اسرح ويا احلامك سيب همومك ركز قدامك
هتلاقي الحياة تفتح بيان
لمكان غير المكان يتوه ويا الزمان
نعيش بكرة ده العمر بيفوت قوام