Tulahi Mukle Video (MV)

आ आ आ आ
मलाही मुकले तुलाही मुकले
मलाही मुकले तुलाही मुकले
प्रेम करुन मी चुकले
प्रेम करुन मी चुकले

मीच लाविल्या वेलीवरचे
मृदुलदलांचे मधुगंधाचे
फुलता फुलता मम प्रणयाचे
फुलता फुलता मम प्रणयाचे फूल अचानक सुकले
प्रेम करुन मी चुकले
प्रेम करुन मी चुकले

धार प्रवाही संगमी तुटली
उगमापासुन सरिता आटली
पाण्याविण ह्या डोहाभवती
पाण्याविण ह्या डोहाभवती मृगजळ घेरून बसले
प्रेम करुन मी चुकले
प्रेम करुन मी चुकले

दोन पाखरे मिळुनी रमता
एकावरती घाव बसता
सुखात दुसरे इतुके कळता
सुखात दुसरे इतुके कळता व्याकुळ लोचन हसले
प्रेम करुन मी चुकले
प्रेम करुन मी चुकले