Maqpalsher - Qyrandar Men Qazaqtar Lyrics

Saltanatyma saltanat qosatyndar kóp
Suńqarlarsyz da qyzyqqa batasyńdar dep
Allanyń adal quly sheıh pármen taratty
Tutqyn qustaryn Qazaqtyń bosatyńdar dep

Baılyǵy tasqan arabtyń bekzadalary
Bolǵysy kelmedi Allaǵa álde jazaly
Balapan kezde áketken qyrandaryma
Bostandyq berdi arabtyń hanzadalary

Rahmet izgi nıetti arab ulandaryna
Qyrannyn qyran kózinen syrańdady ma?
Arabtyń sulý qyzdary qolyn bulǵady
Týǵan jerime bet alǵan qyrandaryma

Asyqqan jandaı qyrandar ata-anasyna
Qonbady qaıtip jem jegen bosaǵasyna...
Bet aldy olar balapan kezinde qalǵan
Kókoraı shalǵyn qazaqtyń saharasyna

Týǵan jerine qyrannyń asyqty bári
Qashyqta qalǵan jat eldiń jasytty ma áni?
Eki júz qyran saǵynǵan saıyn dalasyn
Saǵynǵan kókiregine basyp qulady

Kóz jasy tamyp gúlderdiń japyraǵyna
Qyrandar jetti Altaıdyń atyrabyna
Qyrandar qondy ıadrolyq jarylystardan
Jaraly bolǵan Semeıdiń topyraǵyna

Kıesi bar dep jerimniń uǵynǵan janym
Saǵynady eken qustar da uǵyńdar báriń
Qyrandar mahabbatyna ıińder basty
Qyrandar mahabbaty úshin turyńdar báriń

Qalamyńmenen qustardyń tizbegin deme
Tizbegindeme, úmitti úzbegin, keme!
Qazaqtar menen qazaqtyń qyrandarynan
Mereke aǵa, uqsastyq izdediń nege?

Bulqynystarym, jyrlarym moıyndala ma?
Janarǵa, uly mezgilim, ýaıym qamama
Qazaqtar menen qyranǵa mahabbat bergen
Basyńdy ıgin, ǵasyrym, Saıyn dalama!