Jaato (Pankaj Harad) Video (MV)

जे वाटते मला मी बोलून जातो
भावनांना शब्दात माळून जातो
जे खटकते तुला मी टाळून जातो
जे बोचती तुला शब्द गाळून जातो
तू पाहते मला मी भाळून जातो
उपवास नजरेचा मी पाळून पाहतो
मी आवडे तुला मी कळून जातो
पीठ अफवांचे मी दळून जातो
कधी अफवेत त्या मी जळून जातो
कधी प्रेमात ह्या मी मळून जातो
तू रागावतेस ना मी पळून जातो
तू चिडतेस ना मी छळून जातो
नकार हा तुझा मी गिळून जातो
स्वतःलाच स्वतः मी सळून जातो
नको तू मला मी निघून जातो
शेवटचे एकदा बिलगून जातो
सोडताना तुला मी वळून पाहतो
कोसावर तू मी जवळून पाहतो