Sonchafa (Pankaj Harad) Video (MV)

तिला आवडतो सोनचाफा
म्हणून मलाही आवडतो
गेलो होतो खूडायला
कळलं ह्याचा सडाच पडतो
तिला सापडतो सोनचाफा

आवडे मला जेवढी ती
तेवढाच सोनचाफा
रस्ता तिच्या हृदयाचा
वाटे मला सोपा
नव्हतं अस काही
होत्या साऱ्याच थापा
विसरलोच होतो तिला
आवडतो फक्त सोनचाफा

तिला सापडतो सोनचाफा
म्हणून मीही शोधतो
गेलो होतो शोधायला
कळलं ह्याचा सुगंध दरवळतो
तिला सापडतो सोनचाफा

भावार्थ मला न कळला
तिच्या त्या भावनांचा
म्हणूनच मेळ न जुळला
वेगळ्या दोन मनांचा
ती मैत्रीत सुखावली
माझाच हट्ट प्रेमाचा
तीला ही न कधीच कळला
कौल तिच्या हृदयाचा

तिच्या हातात सोनचाफा
पाहून मीही सुखावतो
गेलो होतो आणायला
कळलं ह्याचा बाजार नसतो
तिला सापडतो सोनचाफा