Peand-eL - Avannaata Ulloriaa Lyrics

Qangali qummut qiviarpunga
Qangalimi ammut uniarpunga
Nammatarsuarnik ulikkaarama
Qasullunga kiisami aqullaarama
Eqqarsaatinni takuvassi pilluartusi
Marlunnguullusi akornutissaqarasi
Inuususi qungujullusi qungujullusi
Makittariaqarpunga sooruna sapertunga
Akiuuttariaqarpunga sooruna sapertunga
Allaanngilaq timeq oqartoq nalangallaat
Naak uummat oqartoq ingerlangallaat
Tuaviorallaat sussa una aallaat
Nikinngilangali qummuinnarmi isingivunga
Aatsaammi isingaara

Avannaata Ulloriaa pavani uisorilasoq
Inuk unnuami uinnasorisoq

Anivoq matu matorlullungu
Nuliani nilliaffingalungu uteruni anereersimassasoq
Inuuneranniit qimangutereersimassasoq
Isummani nalulerpaa utissanerluni apeqquserpaa
Imingassap isumaa aserorpaa
Kamannerup silaa akornuserpaa sunngittut saassutilerpai
Kiinai timai tillualerpai inuit allat pisuutilerpai
Naggataamik takuneqartoq
Qaqqannguamut majuartoq
Politiinut nalunaarutingineqarpoq
Ujaasinerli kingunitsianngua unitsinneqarpoq
Tassami toqungasoq nassaarineqarpoq

Inuk unnuami uinnasorisoq
Ikinngut unnuami ammarsorisoq

Ukiut arlallit qaangiupput marlunnguullutik taamani akileriipput
Ilaqutaat nuannapput aappariinnguit imminnut angerput
Asapput marlunnguullutik meerartaarput
Angivallaanngikkaluartumillu initaarput
Ukiut ingerlapput ilangiissaarput
Uia sulereeraangami ataasitortaraaq imerniartarfimmi
Akerlianilli nulia allalerisaraaq angerlarsimaffimmi
Ullulli ilaanni uia imerani angerlarpoq
Maqaasillungu nuliani iseramili naammattoorpai allalu tutittut

Ikinngut unnuami ammarsorisoq
Uummat inuunermut uninnasorisoq
Avannaata ulloriaa pavani uisorilasoq
Inuk unnuami uinnasorisoq