Profilogreco - Nun se torna areto Lyrics

Comm'è friddo chistu mare, chistu mare avvelenato
Comme coce chesta terra, chesta terra sta appicciata
Comme è amaro chestu 'pane, chestu 'pane c'ha 'mbrugliato
Tutt'e figlie s'ha arrubbato e nun ponno chiù turnà

E nun ponno chiù turnà

Guarda, tremmano sti mane, troppi vote hanno sbattuto
Troppi lacreme agliuttute 'e sti figliole 'ncatenate
Sti denocchie nun c''a fanno, nun se ponno addenucchià
'Nanz'a te can un si' santo, nun ce può chiù arravuglià

Guardate, guardate, guardate, guardate int'o specchio
E miettete scuorno
Stu male ca faje all'ate sta dint''a casa toja
E nun se torna areto chiù

Pigliate, pigliate, pigliate, pigliate 'e denare
Ma chesta cuscienza nun s'acconcia cu' chello c'accatte
E 'e bucìe 'nt''o fuosso nun 'e può atterrà

Ogni core ch'e fermato sbatte m'pietto a chi sta cca'
Tutte l'uocchie ch'e stutato stanno pront'a te guardà
Ogni mane ca 'e astrigniuto primma o 'doppo tornarrà
Pe te dà tutt'o dulore ca tu 'e dato a sta città

Comme è friddo chistu mare
Comme coce chesta terra
Comm'è amaro chestu pane
Tutt'e figlie s'ha arrubbato e nun ponno chiù turnà

E nun ponno chiù turnà

Nun ce può chiù arravuglià