Torn Pages Video (MV)

Ззяе, палае, зрынае
знішчае ўпопел
мая душа наросхрыст
сотні спрадвечных мастоў

Раздзьмуваюць агонь
чорныя крылы
даўно забытых багоў

Прачынайся
пад гімны атручаных душ
глядзі ўвачавідкі на жудас
і руш!

Калі я заўжды
буду супраць усіх
увесь свет заўжды
будзе супраць мяне

Патрапіў у палон
бяз звестак знік
на дарэмнай вайне
ветравых млыноў

Бясконцыя хвалі зрынаюць міф
аб непарушнасці дабрыні
Заліваюць і слепяць усіх тых
хто бессаромна згадзіўся
і застаўся стаяць ля мяне...

...сярод такіх жа сляпых
між атручаных душ
мой раз'юшаны крык
Як гэта страшна не стаць
а застацца сляпым

Аскепкі непарушных клятваў
шматкі згарэўшых кніг
лісты сабе самому
на вырваных старонках
у палон дурных ілюзій
дзе я бяз звестак знік
яны так і не дайшлі
і пэўна не дайдуць

Бутэлькі б'юцца аб рыфы
Птушкі мёртвымі
падаюць уніз
пад карнавальныя маршы
з грымотаў і злых бліскавіц

Рэшткі жывога
кепска схаванага
зло знішчыць
імгненна ў анфіладах...
У анфіладах душы
атручанай цалкам!

Як гэта страшна - не стаць, а застацца сляпым