Sna Neb Yn Gwbod Lle Mae Cemaes Video (MV)

Mae pawb yn gwbod lle mae Llannerch-y-medd
Castell Nedd, ag Abertawe
Aberystwyth, Penrhyn Gwyr
Aberteifi, Dyffryn Nantlle
Mae pawb yn gwbod lle mae Gandalf yn byw -
Er ei fod yng nghanol nunlle
Elvis Presley oedd dwi'n siwr
Yn byw yn Graceland bell, dwin ame

Ond sna neb yn gwbod lle mae Cemaes
Yr un yn y canolbarth dim Cemaes Sir Fôn
Mae pawb o hyd yn pasio drwyddo
Y pentre bach drws nesa i Cemmaes Road
I'r gogledd o Mach, i'r de o Dol,
Mae'r A470 yn mynd trwy'i ganol
Sna neb yn gwbod lle mae Cemaes

Dwi'n dechre meddwl na i symud i fyw
I rywle sy'n fwy adnabyddus
Pontypwl, neu Tal-y-Llyn
Bodelwyddan, neu Lanberis
I Sbyty Ifan, neu Betws yn Rhos
Llanfairfechan, neu Pwllheli
Capel Celyn, Pant y Dwr
Abersoch, neu Felinheli

Chos sna neb yn gwbod lle mae Cemaes
Yr un yn y canolbarth dim Cemaes Sir Fôn
Mae pawb o hyd yn pasio drwyddo
Ond neb a wyr yn union am lle dwi'n son
I'r gogledd o Mach, i'r de o Dol,
Mae'r A470 yn mynd trwy'i ganol
Ger Cadair Idris, yng ngwydd yr Aran
A'r afon Ddyfi, y llinyn arian

Mae pawb yn gwbod lle mae Llanfair PG
A thre Llanelli ag Aberllefenni
A Dolwyddelan, ag Aberhosan
A Cerrig y Drudion, ac Aberdaron
A Betws y Coed, a Gwlad yr Iâ
Ac Azerbaijian, a Guatemala
Y Ffrainc a'r Eidal, a Tanzania
A Southend on Sea, a Papua New Guinea

Ond sna neb yn gwbod lle mae Cemaes
I be mae'r byd yn dod?!