Saied Silbak - About Love Lyrics

عَقلي وقَلبي، غروبي وشروقي
إسمِك صفّا معَبّيلي عروقي
والناس قالوا راح يِحرِقني شوقي
ويِحرِقني شوقي ورَضيان
نجوم وقمار من سنين مَضوِية
تلالي وتحَيِّر البَشَرَيِّة
تلاشَت مِتِل مَيِّة شَتويِّة
سِحرِك شَتوِيِّة طوفان
عَقلي وقَلبي، غروبي وشروقي
إسمِك صفّا معَبّيلي عروقي
والناس قالوا راح يِحرِقني شوقي
ويِحرِقني شوقي ورَضيان
نجوم وقمار من سنين مَضوِية
تلالي وتحَيِّر البَشَرَيِّة
تلاشَت مِتِل مَيِّة شَتويِّة
سِحرِك شَتوِيِّة طوفان
السَّما والأرض وكُلشي بيناتهِن
أسامي الصحاب وقضايا حياتهِن
أوّل دُكانِة أواعي وهَدايا
إختَلَفنا عاللّون وإتَّفَقنا بقضايا
الطوشِة والصُلحَة، المقاهَرة، الغيرِة
الضُحكِة والكَشرَة والكِلمِة الأخيرِة
إمِّك تقُلِك طَب ليش ما بيضُب؟
وكُلُه والوَقت ماشي وبيصُب
وأقُلِّك إنُه الحُب
وأقُلِّك إنُه الحُب
وأقُلِّك إنُه الحُب
قِسمِة، نَصيب ويا نَصيب
يا إما بتِخطي أو بِتصيب
كُل ما مَرَق زيادِة الوَقت
بتِبلَشي تِفهمي إنُه عَنجَد
الإشي صايِر مِنِك وفيكِ
إختَلَط نهارُه مَع لياليكِ
خَزانِة وَحدِة ونَفس الأوضة
ولاد ولِبِس ولَحِّق موضة
وأقُلك إنه الحُب
خُصلِة شَعِر بيضا فوق ضُحكِة
على عادِة قَديمِة وصارَت نُكتِة
نَظرَة بتِحكي عن مية كِلمِة
وكِلمِة تخَفِّف وتزيح العَتمِة
نُقعُد نُسكُت نِحكي وما نِحكي
عَبطة والراس عالكِتِف مَتكي
ما الوَقت مارِق والدِنيا بتُركُض
وتُركُض بَس إحنا نضَّل صغار