Salvo Nigro - Buccascura Donnavilla Lyrics

Bucca scura paci chiù non haju
Vaju dicennu chi la notti è jornu
Ciarmu di majari a unni vaju
È luna nira di l'infernu tornu

Dispersu tra li brizzi di lu mari
Vaju consuntu comu fa lu sali
Chiana a li stiddi lu me' chiantu amaru
A lu tò cantu bramu com'a un faru

Petra fitta
Scinni 'n funnu 'o mari
'Ncantu vanu
Supravventu canti e vai
Gemmi 'i Sali
E di majare
'Ncantu stranu
Suttaventu muta stai

Marinari persi e piscaturi
Supra 'a rina sù sparsi comu ciuri
La muntagna bagnata di lu mari
Rocca Fimmina cu li baci amari

Bucca scura brilla a vampi d'oru
Donna Villa sfarda a mari lu tesoru
Lu tò cantu sicca l'anima e 'stu cori
E la furia di l' infernu s'arza e mori

Petra fitta
Scinni 'n funnu 'o mari
'Ncantu vanu
Supravventu canti e vai
Gemmi 'i Sali
E di majari
'Ncantu stranu
Suttaventu muta stai