Tanaka Ects Chuma - Misodzi Lyrics

Iropa misodzi yangu mwanasikana
Bundu rinenge gomo
Kuchemera mumoyo
Vakanokora nechisimba kundinyima mukana
Vandiona semudziyo wakafitana nebonde

Kana iringuva yakagara yandiseka
Kupindana kwemazuva mugwagwa wakandidadira
Imhepo yetsaona yakatora vese ndini ndakasara
Mwanasikana asati abva zera
Zvenhaka vachapfura nekupedza kugovera
Yangu yapinda mudariro
Aripano anondida
Musarapavana sevane vana ndaingoti vanogona kuchengeta mwana
Chinangwa chavo chisina kujeka
Hanzi mwana anoudzwa adzoka achaenda anoti shayisano
Vachiri pakudhonzerana ndakangoti siyai niyende nambuya
Ndaingoti kupa mugoti kune vanyerere
Irwendo risina kunondifambira zvakanaka
Chitendero chekumbu kwambuya chine barika
Chinounganidza vasati vabva zera pamadhara endebvu ipapo
Humhandara neruzivo rwemwanasikana zvakaendeswa nemakaro nekutya hurombo
Ndaka bereka tsoka kutiza pane vaida kubatira hukoshwa hwangu mumachira

Kwamabukuru ndokwandaiti ndazvipedzera
Kunatseyi ndakatozvigadza pamuromo weshumba
Hanzi ndini ndikuchengeta, kupfekedza kuendesa kuchikoro
Ukangozvitaura ndokusaidzira kumapere
Maiguru ndakavatsanangurira
Havana kuzvitenda
Vakandikandira zvese panze
Hanzi ndine mweya wehupfambi samai vangu
Misodzi yandisvitsa pachiteshi ndofira mumbereko
Ndikudzeyi nemutemo zvehukama zvaramba
Tongai nedemo vakanditorera zvakawanda
Kundinima mukana vandiona semudziyo wakakodzera bonde rega rega
Ibundu rinenge gomo
Kuchemera mumoyo

Iropa misodzi yangu mwanasikana
Bundu rinenge gomo
Kuchemera mumoyo
Vakanokora nechisimba kundinyima mukana
Vandiona semudziyo wakafitana nebonde