Dawit Cherent - Chapter 2 : Yihedal Lyrics

ይፈሳል ወንዝ በመሀል
እኔን ከአንቺ ለይቷል
አፈሩን ሁሉ ወስዶታል
ውሃው ሲጋጭ ይሰማል
ያደርስ ይሆን ወይ የላኩትን ሸማ
ጠልፌው ነበረ በናፍቆቴ ዜማ
ነግሬው ነበረ እንደምዘገይ
ሰምተሽስ ይሆን ወይ ድጡ እንደያዘኝ
ይሄዳል ይሄዳል
ሰምቶ እንዳልሰማ እያየኝ ያልፋል
ወንዝ አይታመንም መች ፍቅር ያውቃል
ላያደርስ መልክቴን አቋርጦ ይፈሳል
ይነፍሳል ነፋስ በመሀል
እኔን ከአንቺ ለይቷል
ቅጠሉን ሁሉ አራግፎታል
ዛፉ ብቻውን ይጮሀል
ያደርስ ይሆን ወይ የላኩትን ሸማ
ጠልፌው ነበረ በናፍቆቴ ዜማ
ነግሬው ነበረ እንደምዘገይ
ሰምተሽስ ይሆን ወይ ድጡ እንደያዘኝ
ይሄዳል ይሄዳል
ሰምቶ እንዳልሰማ እያየኝ ያልፋል
ነፋስ አይታመንም መች ፍቅር ያውቃል
ላያደርስ መልክቴን አቋርጦ ይነፍሳል
ወንዙና ነፋሱ ጥለውኝ ሄዱ
የሚሄዱበትን ሳይናገሩ
እንደው ካየሻቸው ወዳንቺ ከመጡ
መልክተኞች ናቸው አልፈው እንዳይሄዱ
ይሄዳሉ ይሄዳሉ
ሰምተው እንዳልሰማ እያዩኝ ያልፋሉ
ወንዙና ነፋሱ በእኔ ላይ ጨከኑ
ላያደርሱ ፍቅሬን ድንበሩን አለፉ